Elsa

解拆投资华埠迷思

有部份投资者都有一个想法,认为喺外国例如澳洲呢啲国家买物业嘅时候,一定要投资在「唐人街」或者叫「华埠」,认为 将来转手较易;因为佢哋直觉觉得,将来卖楼都可以揾返啲华人接手,容易啲卖出…可能呢个观点有个中道理,但系我反而奇怪大家点解要将潜在买家限于华人?

注意华人比例

部分投资者忽略咗一样好重要嘅事实,就系华人喺呢啲国家嘅人口比例。根据澳洲2015年6月的人口统计嘅结果显示,澳洲嘅华人 (在中国同香港出生) 总共约50多万, 即使计埋喺当地出生嘅华人第二代第三代, 甚至加埋由台湾、新加坡、马来西亚等亚洲国家的华裔移民,大约是100万左右,而截至2015年澳洲总人口约为2,380万人。

海外投资者不能承接二手楼

再者,目前海外投资者基本上不能买二手住宅物业,所以大家拣区份买楼时,不要只局限于是否华埠,虽然华埠当然有其优点, 但喺澳洲其实仲有好多值得投资的区份的。

宏观考虑潜在买家

当你考虑物业容唔容易转手嘅时候, 亦唔应该只认为华人才是你的买家,而应该考虑整个澳洲的潜在买家。否则,你的物业反而容易变成「只局限于华人才买」的物业呢!