去曼谷睇豪宅兼旅游 利嘉儿狂扫泰式靓家品

今次她看了三个单位,全部都好靓,但谂住睇多几次先买。

  利嘉儿(Lily)早前与老公Bong约朋友到泰国曼谷睇楼,顺道留在当地旅游。她称十年冇去泰国泰国变咗好多,除了购物商场又大又靓,她可以疯狂买衫买家品。首次去唐人街,见到满街榴梿好兴奋,她买了好多榴梿干做手信,最恐怖在手信店见到好多即食炸虫虫干出售。之后当然是饮饮食食,除了吃地道的泰国菜,她还帮衬了香薰餐厅食龙虾,又去Lady L饮下午茶,环境好价钱又合理,她称一定会再去。

  利嘉儿好耐冇去曼谷,但呢一两年有好多朋友在当地投资物业,而她与老公都有兴趣,便组团去睇楼,她说:「今次睇咗三间位于市中心高尚住宅区嘅Apartment,有啲几百万港币,有啲就千几万港币一层,但因为唔熟泰国,今次冇买,想睇多几次先,不过同行有朋友买咗。」睇完楼,Lily就去行街,无谂过泰国的商场设计好靓,「好钟意佢哋种咗好多植物绿化环境,而且有好多特色餐厅同Coffee Shop,就连Food Court都好大型。」今次她主要买衫、摆设和厨房用品,她大赞:「泰国卖家品嘅店舖比香港多,选择亦多好多。」

利嘉儿劲爱食榴梿,之后扫了很多榴梿干返港。

  由于Lily都钟意食辣嘢,所以泰国菜啱晒佢,咖哩蟹、冬荫功和炒贵刁她都钟意,最开心是揾到间特色的香薰餐厅Karmakamet,「内里设计到好似工厂咁,摆咗好多香薰,而周围都有香味,仲有花园,食物又好味,最钟意大龙虾意粉,龙虾肉弹牙又鲜味,每人都系三四百蚊港币。」之后她去了Lady L食Tea,她续说:「啲松饼、蛋糕同Pancake都整得好靓,又好味,都系百几蚊港币一位。」最后一站就是去唐人街,见到好多新鲜榴梿好香,但因为之前食咗个丰富的中菜晚餐太饱,冇买嚟食,但就买咗好多榴梿干返港畀自己和孝敬老爷奶奶。

综合报道

资料来源:头条日报